Astudiodd Euros Lyn ddrama ym Mhrifysgol Manceinion cyn cyfarwyddo rhaglenni gan gynnwys Pam Fi Duw?, Iechyd Da ac Y Glas. Ennillodd Ysgoloriaeth Goffa Ymddiriedolaeth Saunders Lewis yn 1999 i dreulio cyfnod yn Nenmarc yn astudio'r diwydiant ffilm yno. Mae wedi cyfarwyddo dwy ffilm i S4C - Diwrnod Hollol Mindblowing Heddiw (2000) a Gwyfyn (2003) a ennillodd wobr BAFTA Cymru am y ffilm orau. Ers 2005 mae wedi bod yn gyfarwyddwr cyson ar yr adfywiad llwyddiannus o Doctor Who, gan gynnwys y bennod The Girl In The Fireplace a enillodd wobr Hugo yn 2007. Yn 2009 fe gyfarwyddodd y pum pennod o Torchwood: Children of Earth. Mae wedi ennill Cyfarwyddwr Gorau BAFTA Cymru deirgwaith - y tro mwyaf diweddar am Sherlock gyda Benedict Cumberbatch a Martin Freeman a enillodd cyfres ddrama orau BAFTA a'r RTS. Euros oedd prif gyfarwyddwr Upstairs Downstairs cafodd ei henwebu am chwech Emmy ac fe gyfarwyddodd un o ffilmiau o gyfres gyntaf Black Mirror â ennillodd Emmy Rhyngwladol am y gyfres ddrama orau 2012. Ennillodd Last Tango In Halifax, Broadchurch a Happy Valley wobrau drama orau BAFTA. Yn ddiweddar bu'n cyfarwyddo ffilm wedi ei hybrysoli gan nofel Fflur Dafydd Y Llyfrgell, fydd yn cael ei rhyddhau mewn sinemau yn Awst 2016.